O Rácing profana o campo do campión

En Cadete, Cadete Superiores, Liga Galega Norte

Ningún equipo gañara esta tempada ao Bertamiráns na casa. Os de Simón Lamas fixérono tras un gran encontro

 

BERTAMIRÁNS 1 – RC VILLALBÉS 2

Simón Lamas contou practicamente con todo o persoal logo de moitas xornadas con ausencias na Liga Galega cadete, e os chairegos despedíronse da competición a domicilio e posiblemente do seu último encontro xuntos esta tempada cunha gran vitoria.Un triunfo que ninguén conseguiu nesta Liga, xa que o Bertamiráns, campión, non perdera ningún encontro xogado como local neste curso.
O Villabés aproveitou que o xuvenil B non empeza a fase de ascenso ata a semana que vén e tirou de toda a súa artillería. Os de Simón Lamas tiveron unha posta en escena moi intensa coa que sorprenderon ao campión de Liga, aínda que é certo que se adiantaron pasado o cuarto de hora cun penalti rigoroso que reclamaron con insistencia os locais. O árbitro sinalou os 11 metros e Gabriel executou a penal máxima ao fondo das mallas. Sen marxe para a reacción local, tan só tres minutos despois Cabado e Raúl fabricaron unha xogada por banda dereita que terminou cun potente disparo do lateral desde fóra da área co que subiu ao marcador o cero a dous.
Na segunda parte o Bertamiráns tirou de orgullo, fíxose co balón e dominou o encontro ante un Rácing que demostrou que non se lle esqueceu sufrir, apertou os dentes e pese a encaixar o un a dous mantívose en pé para profanar o feudo do campión de Liga.

 

“Gran vitoria que pode ser un bo recoñecemento á grandísima tempada do equipo. A nivel individual cumplimos os obxectivos con creces” SIMÓN LAMAS RC Villalbés

También puedes leer!

Punto e final á travesía do Polvorín

o Conxo Santiago eliminou aos de Caballero tras un encontro no que os lucenses soñaron co pase tralo 1-0

Leer más...

O Álex Blanco volverá ser decisivo

Oitenta minutos separan ao Calasancio do ascenso á Liga Galega. Un partido que se disputará en Monforte e no

Leer más...

Á cuarta foi a vencida da Sarriana

A xeración adestrada por Edgar impúxose a Burela na quenda de penaltis tras catro temporadas consecutivas chegando á final

Leer más...

Deja una respuesta:

Tu correo electrónico no será publicado.

*

Mobile Sliding Menu