Un total de sete equipos galegos competirán a próxima campaña na División de Honra Xuvenil. A competición arrincará a fin de semana do 3-4 de setembro |
Conta atrás! Os clubs que militan na División de Honra Xuvenil, máxima categoría nacional entre os 17 e 19 anos, xa coñecen a folla de roteiro que deberán seguir durante a tempada 2022/2023. 30 apaixonantes xornadas, a excepción do Grupo IV con 34, teñen por diante cada un dos equipos.
O torneo, organizado en sete grupos, dará o pistoletazo de saída o próximo 4 de setembro e alongarase ata o mes de maio concluíndo, finalmente, a fin de semana do 6 e 7 do devandito mes.
Así, a División de Honra Xuvenil prepárase para volver vivir unha campaña chea de paixón, emoción e, sobre todo, talento coas novas promesas do fútbol nacional.
Sete representantes galegos
A División de Honra Xuvenil contará con 7 equipos galegos a próxima campaña:
- Arosa SC
- Coruxo FC
- SD Compostela
- RC Celta
- Ural Español
- CD Lugo
- RC Deportivo