Estudiantes reinou no derbi ante Sarria

SARRIA-ESTUDIANTES
Derbi Provincial na primeira xornada do 2023 na Liga Galega júnior feminina ao citarse en Novo Chanto Castro Agrasar Sarria e Estudiantes Río de Galicia. Un derbi no que ambos conxuntos despediron a primeira volta intercambiando o orde de pista polas obras acometidas no Anexo e un derbi marcado pola vitoria capitalina, un triunfo merecido pero máis sufrido do que indica o 41-69 final.
De saída Estudiantes puxo o listón moi alto en defensa e atopou vías para anotar cun primeiro parcial de 0-9 dándolle continuidade ata o 2-14 e pechar os primeiros dez minutos con 8-17.
A partir de ahí Sarria deu un paso a fronte en defensa e meteuse de cheo en partido pese a chegar ao descanso con 19-29, xa que as sensacións ao remate do primeiro tempo eran mellor para as de Adrián López.
Tralo descanso a defensa de Estudiantes marcou un derbi que racharon ao seu favor as de Javi Peinó, indose por riba dos 20 puntos ao remate do terceiro parcial.