Estudiantes feminino pasa aos cruces

En 1ª División, 1ª División, Júnior, Junior Feminino, Junior Masculino

O Conxunto de Fernán Varela perdeu o primeiro encontro, pero tras gañar onte a Maristas Córdoba ten asegurada a súa presenza nas eliminatorias polo título

 

Os Campionatos de España júnior feminino e masculino están disputándose en Avilés e Zaragoza respectivamente, con presenza do baloncesto lucense da man de Estudiantes júnior masculino e feminino e Ensino feminino.O mellor equipo ata a data é Estudantes feminino que se clasificou matematicamente para as eliminatorias polo título tras impoñerse a Maristas Córdoba onte pola tarde cun axustado 51-54. Hoxe loitarán polo segundo posto do grupo co Luther King tinerfeño. Pero coa seguridade de que Estudiantes estará entre os 16 mellores equipos júnior feminino de España.
Menos sorte tivo o Durán Maquinaria Ensino, que perdeu os seus dous encontros e no seu grupo só pasa o primeiro, polo que as de Miguel López quedáronse sen opcións de clasificarse antes de disputar hoxe o último partido.
O Ensino perdeu na xornada inaugural ante La Paz Torrelavega, 34-50 e ante Ponce Valladolid nun encontro a cara ou cruz por un axustado 44-47

Júnior masculino

Estudiantes Leyma quedou encadrado no grupo da morte, no que os de Marcos López xogan ante equipos júnior de Euroliga como son Gran Canaria, Real Madrid e Valencia Basket.
Na xornada inaugural do domingo os lucenses perderon con Gran Canaria 60-101 e onte á pechadura desta edición aínda non empezara o seu segundo encontro, no que se mediron a todo un Real Madrid.
No último partido da fase de grupos Estudiantes Leyma medirase con Valencia Basket nun grupo no que se clasifican os tres primeiros, quedando eliminado o cuarto. Dúas opcións de vitoria ao peche desta edición, pero ante dous colosos do baloncesto Europeo para os de Marcos López.

Deja una respuesta:

Tu correo electrónico no será publicado.


*

Mobile Sliding Menu